نرجع للموضوع مشكلتي مع والدي

[الذيب]

شوفوا ياخوان انا مليت من هالعيشة كل الحلول الي قالوها الاخوان مانفعت وابوي بخيل حالتنا ممتازة وطبعن انا منب عنده ولله الحمد انا عند الوالده الله يخليها بس ابوي مايبي يشريلي سيارة انا خلاص فقدت اعصابي انا محتاج السيارة اهلي يروحون الحديقة ولاالعثيم رجليه وانا مشاكلي كثيرة والوالده تهددني بالطرد كل هذا من سبب ابوي وابوي مطلق امي انا ابي حل للسيارة لو انشاء الله ددسن 85 بدون مكيف انا ابي الردود الصادقة والي يمكن تغير رأيه تكفوون طالبكم

[فرحان]

طيب ليه ماتعتمد علي نفسك . يعني ابحث لك عن عمل لكي تستطيع شراء سيارة .

[آحلاااااام]

كلام اخ فرحان صحيح ليه ما تعتمد على نفسك و تتوظف وبعدين تقدم على قرض وتاخذ لك سياره صحيح ما في يجي بسهوله لاكن اصبر وابذل الاسباب والله يوفقك
ويجعل لك من كل هم فرج وكل ضيق مخرج

[الذيب]

ياناس وشي عمل من وين انا السنه الجاية بالجامعة انشاء الله بعدين كل هذا عشان حديد يودين ويجيبن انا قايله ابشري السيارة منك اقساط وعيا

[الذيب]

تكفون انا خلاص لازم اروح لحالي والله اني الوحيد من عيال عمي الي مامعه موتر وانا اكبر اخواني 18 سنه والي اصغر من عمره 12 سنه وانا اكبر من10 من خواني وانا ابي الحل الي يمكن ياثر في ابوي

[الذيب]

ولاردود ولاشئ تراي ابي فزعتكم

[الأُنس]

اعانك الله اخي
عليك بالدعاء...

[الملقوفة]

طيب ابوك ليش رافض انه يعطيك سيارة وش الاسباب ؟؟
اذا مافيه اسباب خلاص


حاول فيه اقنعه ساحره بالهدوء وقوله يابيي يابعدي ياتاج راسي محتاج سيارة اقضي مشاويري واروح للجامعه ومن هالكلام وان شاء الله يجيب لك سياره <<<تحط عند الولد امل كبير ان ابوه بيوافق ان شاء الله :)

[زهور الريف]

عليك بالدعاء وكثره الاستغفار

وحاور ابوك بالكلام الطيب وحب خشمه وان شاء الله يوافق يشتريلك سيارة

انا اخواني اذا بغو شي من ابوي حبو خشمه فسبحان الله ابوي يوافق على طول

حتى لو هو مو راضي سبحان الله حبت الخشم عن ابوي لها مفعول قوي

اتمنى ابوك يصير زي ابوي حبت الخشم تعنيله اشي الكثير

[تركي الزهراني]

مشكله والله ..

اصبر لين تتخرج واذا ربك يسرها ودخلت الجامعه تقدر تطلع موتر تاجير منتهي بالتمليك من المكافاه ..

موفق..

[الملقوفة]

هاه وش صار عليك اشتراللك ابوك سيارة ولا لسى
الله يسهل ويسسر للك امورك ان شاء الله

[محمد26]

أخوي الذيب الله يوفقك ويستر عليك كم تقريبا تقدر تدبر قروش حدودك كم
ماكثر الله الا المواتر لكن انت لزوم تبتعد عن ابوك يعني لا تطلبه وتدبر عمرك
اتمنالك التوفيق